27 желтоқсан, 2024
Бірыңғай жинақтаушы зейнетақы қорында (БЖЗҚ) Қазақстандағы ай сайынғы төлемнің ең жоғары сомасы аталды.
Қордың ақпаратына сәйкес,"ең бай зейнеткер " ай сайын 945 752 теңге алады. Бұл ретте зейнеткерлік жасқа толуына байланысты БЖЗҚ-дан төленетін орташа айлық төлем сомасы 33 826 теңгені құрады.
БЖЗҚ хабарлағандай, 2024 жылдың 1 желтоқсанына Қазақстанда 17,07 миллион зейнетақы шоты болған.
"Зейнетақы жинақтары зейнетақы жарналары мен инвестициялық табыс түріндегі кіріс ағындары есебінен ұлғаяды. 2024 жылдың 11 айында салымшылардың жеке және шартты шоттарына зейнетақы жарналары 2,49 триллион теңгеден асты (өткен жылдың көрсеткішімен салыстырғанда 29,4 пайызға немесе 567,35 миллиард теңгеге өсті)", - делінген қордың жарияланымында.
фото: ulysmedia.kz
