13 мамыр, 2020
Мәжіліс депутаттары төтенше жағдай режимін бұзғаны үшін жарты миллион теңгеге дейін айыппұл салуды көздейтін әкімшілік құқық бұзушылық туралы кодекске түзетулерді мақұлдады, деп хабарлайды Stan.kz ақпарат агенттігі.
Бұл норма "Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы" заң жобасында көрсетілген.
"Бюджет кодексіне, "Концессиялар туралы", "Мемлекеттік мүлік туралы" заңдарға денсаулық сақтау саласындағы мемлекеттік-жекеменшік серіктестік жобаларын іске асыру процесін жеңілдету үшін, әкімшілік құқық бұзушылық туралы кодекске режимді бұзғаны немесе шектеуші шараларды орындамағаны үшін жауапкершілікті арттыру бөлігінде өзгерістер енгізілді", - деді депутат Бейбіт Мамраев заң жобасына қорытындысында.
Қорытындылай келе, әкімшілік айыппұлдың мөлшері 10-нан 100 АЕК-ке (27,7 мыңнан 277,8 мың теңгеге дейін) немесе 15 тәулікке дейін қамауға алу, бірнеше рет бұзылған жағдайда әкімшілік айыппұл 200 АЕК (555,6 мың теңге) немесе 30 күнге дейін қамауға алу қабылданды.
Қазақстанда төтенше жағдай режимі 2020 жылдың 16 наурызы мен 11 мамыры аралығында болды.
stan.kz
