8 наурыз, 2020
Қазақстанның бас санитар дәрігері Жандарбек Бекшин коронавирус табылған елдердің тізімін жаңартты, деп хабарлайды Stan.kz ақпарат агенттігі.
Қаулыда көрсетілгендей, бұл шаралар Қазақстан халқының арасында COVID – 19 коронавирустық инфекциясы таралуының алдын алу мақсатында жүзеге асырылып отыр. Яғни аталған мемлекеттерден келген азаматтар 14 күнге медициналық мекемеде немесе үйлерінде карантинге жабылып, дәрігерлердің бақылауына алынады.
COVID-19 коронавирустық инфекция бойынша қолайсыз елдердің қатарына:
Бірінші А санатқа ҚХР, Иран Оңтүстік Корея мемлекеттері;
Бірінші Б санатқа Италия елі;
Екінші санатқа Германия және Испания;
Үшінші санатқа Жапония, Тайланд, БАӘ, Франция, Швеция, Малайзия, АҚШ, Сингапур, Кувейт, Бахрейн, Ирак ,Ұлыбритания, Швейцария, ҚХР Гонконг кіріпті.
Бұған дейін Қытай ғалымдары коронавирус белгілерінің өзгеретінін анықтағаны жайлы айтылған еді.
stan.kz
