30 сәуір, 2020
Қазақстанда коронавирус инфекциясы мен өзге де аурулардан болатын өлім-жітімнің жеке статистикасы жүргізіледі, деп хабарлайды Stan.kz ақпарат агенттігі.
Бұл туралы мемлекеттік комиссияның шұғыл штабы мәлімдеді.
"Егер науқастар инсульттан немесе басқа да ауыр аурулардан қайтыс болса, алайда оған қоса COVID-19 вирусы анықталса, онда бұл жағдай коронавирус инфекциясынан болған өлім-жітім статистикасына тіркелмейді. Қазіргі уақытта елімізде осындай 25 жағдай анықталды. Науқас өлімінің әрбір фактісі жеке зерттеледі және барлық факторлар ескерілгеннен кейін шешім шығарылады", -делінген ресми хабарламада.
Еске салайық, соңғы ақпарат бойынша елімізде коронавирусқа шалдыққандардың саны 3138 адам болып тұр.
stan.kz
