2 қыркүйек, 2019
Қысқа сілтеме алу
Мұндай нәтижеге модульдік блоктардың, яғни дайын бөлмелердің арқасында қол жеткізуге болады
НҰР-СҰЛТАН, 2 қыркүйек – Sputnik. Үкімет басшысы Асқар Мамин елордадағы ModeX зауытының құрылысымен танысты, деп хабарлайды премьер-министрдің ресми сайты.
Салынып жатқан жаңа зауыт астанадағы "Астана – жаңа қала" АЭА №1 индустриялық паркінің аумағында орналасқан.
Официальный сайт премьер-министра
Асқар Мамин елордадағы ModeX зауытының құрылысымен танысты
Тағы оқыңыз: Тоқаев жаңа тұрғын үй бағдарламасына қатысты тапсырма берді
Модульді үй құрылысы – Германия, Сингапур, Қытай сынды елдерде қолданылатын тұрғын үй салудың заманауи озық технологиясы. Ол ғимараттарды тез, сапалы салуға мүмкіндік береді. Мәселен, таза әрленген 16 қабатты бір кіреберісті тұрғын үй әдетте 12-18 ай салынса, бұл технологиямен үйді небәрі 4 айдың ішінде тұрғызуға болады. Мұндай нәтижеге модульдік блоктардың яғни дайын бөлмелердің арқасында қол жеткізіледі. Олар конструктор бөлшектері тәрізді біртұтас болып жинақталады.
"Құрылыс секторы – Қазақстан экономикасының ең серпінді дамып келе жатқан саласы, өсімі 11,5% құрайды. Бұл жоба халықтың тұрғын үйге қолжетімділігін арттырып қана қоймай, құрылыс индустриясының дамуына серпін береді", — деді Қазақстан премьер-министрі зауыт қызметкерлерінің алдында сөйлеген сөзінде.
Үкімет басшысы баспасөз қызметінің мәліметіне сәйкес, зауыт 700-ден астам жұмыс орнын құруға жол ашып, жылына 405 мың шаршы метр тұрғын үй салуға мүмкіндік береді.
Тағы оқыңыз: Депутат Нұр-Сұлтандағы мемлекеттік тұрғын үйлердің қорқынышты екенін айтты
Зауыттың бірінші кезеңі осы жылдың 1 желтоқсанына дейін, ал екінші кезеңі – 2020 жылы, үшінші кезеңі 2021 жылы пайдалануға беру жоспарланған.
Асқар Мамин елордадағы ModeX зауытының құрылысымен танысты
Кәсіпорында жұмыс істейтін мамандар үшін дуалды білім беру жүйесі қарастырылып отыр.
sputniknews.kz
