Азаматтық авиация комитетінің төрағасы Талғат Ластаев Қазақстандағы тағы үш әуежайдың кодтарын өзгерту жоспарлары туралы мәлімдеді, деп хабарлайды Stan.kz ақпарат агенттігі.
Басқа әуежайлардың кодтарын өзгерту туралы мәселені журналистер Нұр-Сұлтан әуежайында өткен брифингте қойды.
"Иә, жұмыс жалғасады. Біз Ақтау - SCO (Шевченко), Атырау - GUW (Гурьев), Тараз - DMB (Джамбул) өзгертуді жоспарлап отырмыз", - деді Ластаев.
Бұған дейін Ластаев Нұр-Сұлтан әуежайының кодын өзгерту мақсатында Қазақстан ИКАО (Халықаралық азаматтық авиация ұйымы) қарарында өзгеріске қол жеткізгенін түсіндірді. Бұл болашақта әуежайлар мен басқа мемлекеттердің кодтарын өзгертуге мүмкіндік береді.
Еске салсақ, 2020 жылдың 8 маусымында Нұр-Сұлтан әуежайының коды ресми түрде TSE-ден NQZ-ке өзгертілді.
Әуе билеттерін брондаудың барлық жүйелерінде, соның ішінде билеттер, багаж белгілері, хабарландыру тақталарында NQZ әуежайдың жаңа коды қолданылады.
stan.kz