Бүгін, 13:50
Бағлан Әбдірайымов әншінің үйлену тойынан видео жариялап, жас жұбайларға ақ тілегін арнады.
«Жігіттер» тобының мүшесі, әнші Мырзахан Маханов үйленіп, өміріндегі маңызды қадамдардың бірін жасады. Өнер иесінің қуанышты жаңалығын әріптесі Бағлан Әбдірайымов әлеуметтік желіде бөлісті, деп хабарлайды kznews.kz sn.kz сайтына сілтеме жасап.
Желіде тараған бейнежазба көпшіліктің назарын аударып, оқырмандар арасында қызу талқылауға себеп болды.
Бірі Мырзахан Махановты жаңа өмірге қадам басуымен құттықтап, отбасына бақыт пен береке тіледі. Ал енді бірқатар желі қолданушысы әншінің бұрынғы отбасылық өміріне қатысты пікір білдіріп, алғашқы некесін еске алды.
«Бірінші әйеліне балалы бола алмады», «Бақытты болсын», «Балалы бола алмаса, әйелін тастауы керек пе?», «Бекболат Тілеуханның күйеубаласы еді ғой», – деп жазды оқырмандар.
Осылайша, әншінің үйлену тойы әлеуметтік желіде түрлі пікір туғызды. Бірі жас жұбайларға бақыт тілесе, енді бірі оның жеке өміріне қатысты көзқарасын білдірді.
