21 шілде, 2024
Канада Қарулы күштерінің бас қолбасшысы қызметіне ел тарихында тұңғыш рет әйел адам тағайындалды, деп хабарлайды Ulysmedia.kz.
Осылайша Дженни Кариньян G20 елдерінің бірінің әскерін басқарған алғашқы әйел генерал атанды.
Дженни Кариньянның Канада Қарулы күштеріндегі орны
Дженни Кариньянның әскер саласында жинаған айтарлықтай тәжірибесі бар. Ол Канада Қарулы күштеріндегі ұрыс бөлімшесін басқарған алғашқы әйел болды. Оның қызмет барысында Ирак, Ауғанстан, Сирия және Босния сияқты елдерде тапсырмалар орындаған. Соңғы үш жыл бойы ол 2021 жылы әскердегі жыныстық қудалау жанжалынан кейін құрылған Армияның кәсіби мінез-құлық және мәдениет басқармасының бастығы қызметін атқарды.
Тағайындаудың мақсаты
Канаданың премьер-министрі Джастин Трюдо бұл күнді тарихи деп сипаттап, Дженни Кариньянды тек канадалықтарға ғана емес, бүкіл әлемге үлгі болып отыр деп атап өтті. Кариньянның тағайындалуы Канаданың әскердегі гендерлік теңдікті ілгерілету жөніндегі міндеттемесін және жоғары әскери лауазымдардағы әйелдер рөлінің маңыздылығын көрсетеді.
