Бүгін, 14:29
Қарағанды облысында мәслихат депутаты онлайн отырыс кезінде электронды темекі шеккені үшін әкімшілік жауапкершілікке тартылды, деп хабарлайды kznews.kz.
Оқиғаға қатысты видео әлеуметтік желіде тараған. Кадрларда ер адамның жұмыс орнында отырып, онлайн форматтағы жиын барысында электронды темекі қолданғаны көрінеді.
Полиция тараған бейнежазбадағы адамның Осакаров аудандық мәслихатының төрағасы екенін растады.
Ведомство мәліметінше, аталған факті бойынша әкімшілік іс қозғалып, лауазымды тұлға жауапкершілікке тартылған. Оған айыппұл салынды.
Оқиға әлеуметтік желіде қызу талқыланып, мәслихат отырысы кезінде қоғамдық орында темекі өнімдерін қолдану мәселесіне назар аударылды.
