26 наурыз, 2021
Қарағандыда алаяқтық жолмен 12 миллион теңгені жымқырған екі банктің қызметкері ұсталды, деп хабарлады Polisia.kz сайты.
Қарағанды облысы бойынша полиция департаментінің Криминалдық полиция бөлімінің қызметкерлері жедел-іздестіру іс-шараларын жүргізген. Нәтижесінде банктердің бірінің менеджері 27 жастағы ер адамды ұсталды. Оның интернеттегі алаяқтықтың үш фактісіне қатысы бар екендігі анықталды.
Ер адам азаматтардың жеке мәліметтерін қолданып, өз банкінен де, микрокредиттік ұйымдардан да несие алған. Келтірілген залалдың жалпы сомасы 4 млн 770 мың теңге.
Сонымен қатар, полиция басқа банкта қызмет етіп жүрген 31 жастағы ер адамның қызметін тоқтатты. Ол өзінің қылмысын мерзімі өткен несиелері бар клиенттерге көмектесу деген сылтаумен жүзеге асырған.
– Қазіргі уақытта үшінші тұлғаларға несие беру туралы он екі факт анықталды. Залалдың жалпы сомасы 12 миллион теңге, – деді полиция департаментінің басшысының орынбасары Әбіл Әбілдин.
