21 қараша, 2018
21 қараша күні таңертең Қарағанды облысы Бұқар Жырау ауданындағы "Қызылорда-Павлодар" автожолынан 982 шақырым жерде "Қушоқы-Қарағанды" жазуы бар жолаушылар автобусы мен жүк көлігі соқтығысып қалды. Бұл туралы Төтенше жағдайлар департаменті баспасөз қызметіне сілтеме жасаған NUR.KZ хабарлайды.
Фото: Төтенше жағдайлар департаменті баспасөз қызметі
Қоғамдық көлік салонында 45 жолаушы болған. Жол апаты нәтижесінде Қарағанды облысының ТЖД Жедел-құтқару жасағының және Апаттар медицинасы орталығының күшімен автобустың 2 қысылған жолаушысы шығарылды.
Оқиға орнында 1990 жылы туған азамат көз жұмып, тоғыз адам Қарағандының №1 ауруханасынасына түрлі жарақаттармен жеткізілген. Зардап шеккендердің ішінде кішкентай нәресте де бар.
Фото: Төтенше жағдайлар департаменті баспасөз қызметі
Жол апаты орнында құтқару жұмыстарына бес қызметкер мен Қарағанды облысы жедел-құтқару жасағының бір техникасы, сондай-ақ, Апаттар медицинасы орталығының бір техникасы жұмылдырылды.
