23 тамыз, 2021
Теміртау тұрғыны коронавирустан емдейтін аурухананың медициналық қызметкерлері қайтыс болған күйеуінің алтын сақинасы мен күміс алқасын ұрлады деп айыптайды. Әйел полицияға арыз жазды, деп хабарлайды Stan.kz ақпарат агенттігі.
Өтініш берушінің күйеуі 23 шілдеде Абай көшесіндегі ковидтік ауруханаға түскен. Ал 6 тамызда ер адам осы медициналық мекеменің жансақтау бөлімінде қайтыс болды. Жесір әйел мәйітханада әшекейлердің жоғалғанын байқап қалған. Келіншек алтындарды сұрастыра бастаған кезде ғана дәрігерлер оған бағалы бұйымдарды қайтарып беріпті. Бірақ әйел күміс алғаның қайтарылмағанын айтады.
"Бұл факті бойынша ҚР Қылмыстық кодексінің 188 -бабы "Бөтеннің мүлкін ұрлау" бойынша қылмыстық іс тіркелді. Қазіргі уақытта полиция қызметкерлері барлық мән -жайларды анықтау үшін қажетті шараларды қабылдауда", - деді Қарағанды облысы ІІД баспасөз қызметінің жетекшісі Бақытжан Құдияров.
Қарағанды облысы денсаулық сақтау басқармасының баспасөз қызметі де мән-жайды түсіндірді. Департамент бұл факт бойынша медициналық мекемеде қызметтік тексеру жүргізіліп жатқанын атап өтті. Департамент нәтижелер туралы қосымша хабарлауға уәде берді.
