Әнші Жазира Байырбекованың сіңлісі Айгүл Байырбекованың ұлы сүйіктісіне үйлену туралы ұсыныс жасап, желіде қызу талқыланды, деп хабарлайды ozgeris.info.
Блогер Тәуіржанның таңдауы бұрын тұрмыста болған, баласы бар қызға түскен. Ол сүйіктісіне ұсыныс жасап, әлеуметтік желіде қысқа ғана: "Ол "иә" деді", – деп жазба қалдырған.
Ал жігіттің анасы Айгүл Байырбекова бұл жағдайға қатысты өз көзқарасын ашық айтты.
"Келініңіз құтты болсын дейді. Ол сөзді шын келін болған кезде ғана қабылдаймын, қазір жоқ қабылдамаймын. Келін, немере құтты болсын деп жатыр. Шынымен немереге, сондай күнге Құдай жеткізсін. Балаларым үйленіп бүтін сәбилер туылып, осындай тілектерде қабылдайтын кезге жетейін. Рақмет, сіздер де жетіңіздер. Бірақ мен сеніп отырған жоқпын. Шынымен ұлым ғашық болса екен. Тәуіржан үйленуге дайындалсын, жиналсын, достарына жем болып жүре бермесін. Үйлену үшін де жағдай керек қой", –деді Айгүл Байырбекова.
