17 тамыз, 2021
Ресейдің Стерлитамак қаласында әйел өзге келіншектің жаңа туған нәрестесін үшінші қабаттың терезесінен лақтырып жіберген, деп хабарлайды Stan.kz ақпарат агенттігі.
Өкінішіке орай, дәрігерлер баланың өмірін сақтап қала алмады. Оқиға 16 тамызда болған. Перинаталды орталықта екі әйел кесар тілігімен бала босанған. Палата ауыстырылғаннан кейін әйелдердің бірі көршісінің баласын көтеріп, терезеден лақтырып жіберген.
Әйел бұл әрекетке не үшін барғанын түсіндірмепті. Оның бұған дейін психоневрологиялық диспансерде емделгені анықталған. Қазір әйелдің өз баласы одан алшақтатылыпты.
