Бүгін, 12:11
Павлодар қаласында жаңа туған нәрестесін сатпақ болған түркістандық күдікті ұсталды, деп хабарлайды kznews.kz.
Павлодар облыстық полиция департаментінің алдын ала мәліметіне сәйкес, Түркістан облысының тұрғыны өзінің жаңа туған сәбиін сатуға әрекет жасаған. Полиция қызметкерлерінің жедел іс-қимылының нәтижесінде нәрестенің өмірі мен қауіпсіздігіне төнген қауіптің алдын алу мүмкін болды.
Ведомство дерегінше, күдікті сәбиін 800 мың теңгеге бағалаған.
Аталған факт адам саудасына қарсы іс-қимыл шаралары аясында анықталып, дер кезінде тоқтатылған.
Қазіргі уақытта осы оқиға бойынша тиісті тексеру амалдары жүргізіліп жатыр.
