Бүгін, 12:12
Сот Өскеменнің экс-әкімі Жақсылық Омарға 6 жыл бас бостандығынан айыру жазасын тағайындады, деп хабарлайды kznews.kz.
Жазасын ол орташа қауіпсіздік мекемесінде өтейді.
Прокурор 6 жылға соттауды және мемлекеттік қызметте жұмыс істеуге тыйым салуды сұраған. Ал қорғау тарапы бас бостандығынан айырмайтын жаза тағайындауды өтінген.
Жақсылық Омар алаяқтық және пара алу бойынша кінәлі деп танылды. Әңгіме оның Өскемен қаласының әкімі және Шығыс Қазақстан облысы әкімінің бірінші орынбасары қызметтерін атқарған кезеңі туралы болып отыр. Тергеу нұсқасы бойынша, эпизодтардың бірі шамамен 13 млн теңге тұратын 2021 жылғы Toyota Camry автокөлігін материалдық көмек ретінде рәсімдеу арқылы алғанымен байланысты. Кейін көлік үшінші тұлғаға рәсімделіп, одан да жаңа көлікке айырбасталған.
Екінші эпизодта, тергеу мәліметінше, Омар әкімдік қызметкеріне 20 млн теңге беруді ұсынған. Қызметкер ҰҚК-ге жүгінген, содан кейінгі әрекеттер күштік құрылымдардың бақылауымен өткен. Нәтижесінде делдал арқылы 6 млн теңге берілген, оның 5,6 млн теңгесі ұсталған кезде тәркіленген. Іс жеделдетілген тәртіпте қаралды.
