Күлімсіреп аспан тұр,
Жерге ойлантып әр нені.
Бір себепсіз қайғы құр
Баса ма екен пендені?
Қапамын мен, қапамын,
Қуаныш жоқ көңілде.
Қайғырамын жатамын,
Нені іздеймін өмірде?
Қайтты ма көңіл бетімнен,
Яки бір қапыл қалдым ба?
Өткен күнге өкінбен,
Әм үміт жоқ алдымда.
Іздегенім тәтті ұйқы,
Дүниені ұмытып.
Өлімнің суық тым сиқы,
Тұрсын өмір жылытып.
Көз ұйқыда, ой тыншып,
Дем алып жатсын көкірек.
Кім таласса, кім ұрсып,
Көрсем оны — сол керек.
Өзім аулақ бетінен,
Бір орында оңаша,
Дүние деген не деген —
Қыла жатсам тамаша.
Мансап іздер, мал қуар,
Бәрі мақтан іздеген.
Мақтанынан не туар,
Ыза қылып өзгеден?
Рахмет ретінде жарнамалардың біреуін басуды сұраймын!
#абай кунанбаев стихи на казахском языке скачать
#казакша олен абай кунанбаев
#абай құнанбаев өлеңдері
#Өлең: Абай Құнанбаев (Күлімсіреп аспан тұр) » ZHARAR © 2019 абай құнанбаев Күлімсіреп аспан тұр өлең олен абай кунанбаев
#Күлімсіреп аспан тұр казакша туралы қазақша на казахском арналған арналган
