8 маусым, 2022
Мәжілістің экс-спикері Нұрлан Нығматулиннің ұлдары басқаратын «Қазфосфат» минералды тыңайтқыштар шығаратын зауытта жұмысшы қаза тапты, - деп хабарлайды Kznews.kz жаңалықтар порталы Orda.kz сайтына сілтеме жасап.
Бұл Тараз маңындағы зауытта болды.
Алдын ала мәлімет бойынша, оқиға аммофос өндіру цехында болған – 36 жастағы зауыт жұмысшысының басына кірпіш құлап, салдарынан ол көз жұмды.
Еске салайық, 5 сәуірде монополияға қарсы ұйымдар «Қазфосфат» ЖШС-не қатысты сұранысқа ие ауылшаруашылық тыңайтқыштарының бірі аммофосқа айтарлықтай және негізсіз қымбаттау фактісі бойынша тергеу басталғанын хабарлаған болатын. Осыдан кейін, «Қазфосфат» ЖШС-нің ауылшаруашылық тыңайтқыштарының қымбаттауынан пайда көргендер Мәжілістің экс-спикері Нұрлан Нығматулиннің ұлдары – Нұрхан мен Нұржан Нұрлановтар екенін анықтады.
Ауыл шаруашылығы тыңайтқыштарының бағасы елдегі азық-түлік бағасына тікелей әсер етеді.
