Қазақстан ұлттық құрамасы мен Санкт-Петербургтің "Зенит" командасының қорғаушысы Нұралы Әліп алғаш рет ресейлік клуб сапында капитандық міндетті атқарды. Бұл туралы Kznews.kz ақпарат агенттігі хабарлайды.
Бұл оқиға Ресей кубогының топтық кезеңіндегі матчта тіркелді. "Зенит" Грозный қаласында жергілікті "Ахматпен" кездесіп, 2:1 есебімен жеңіске жетті. Дәл осы ойында мәскеулік команданы жасыл алаңға капитан ретінде Нұралы бастап шықты.
Ал "Ахмат" сапында Қазақстан құрамасының шабуылшысы Максим Самородов ойынға қатысты.
Өз кезегінде "Зенит" клубының баспасөз қызметі Instagram парақшасында: "Зенит" тарихындағы алғашқы қазақстандық капитан" деп жазба қалдырды.
