17 қыркүйек, 2020
Нұр-Сұлтанда газ тарифі бекітілді. Хабарламада айтылғандай, бұрын газдың бір текше метрі үшін 60 теңге белгіленуі керек еді, қазір бір текше метр үшін 45 теңгеге дейін төмендетілді .
Осылайша, елорда тұрғын аудандарында кварталішілік газбен жабдықтау желілерін салу бойынша ауқымды жұмыс жүргізілуде. Мысалы, Теміржолшылар тұрғын алабында 100%, Промышленный және Көктал-2 тұрғын алаптарында 95%, Көктал-1 тұрғын алабында 80% газ тарату желілері тартылған. Бұл жұмыстар Агроқалашық, Оңтүстік-Шығыс тұрғын алаптарында да жүзеге асырылады. Аталған тұрғын аудандар халқы, сондай-ақ Агроқалашық тұрғын алабының бір бөлігі алдағы жылыту маусымында үйлерін газбен жылытады. Ол үшін тұрғындар үйлерді газға қосудың техникалық шарттарын алуға фронт-кеңселерге хабарласуы керек. Жеке сектор тұрғындары үшін әкімдік есептегіштерді тегін ұсынады.
