11 маусым, 2026
Атырау облысында төрт адамды өлтірді деп айыпталған Сұлтан Сәрсемәлиевтің соты жалғасып жатыр, деп хабарлайды ult.kz.
Бүгінгі сот отырысында марқұм Наурыз Мұқанғалиевтің өліміне қатысты деректер айтылды. Әлеуметтік желіде сот залынан тараған ақпаратқа сәйкес, отырыс барысында мәйітті тану кезінде түсірілген бейнежазба көрсетілген.
"Күдікті Сұлтан Сәрсемәлиев марқұм Наурыз Мұқанғалиевтің мәйітін тану кезінде түсірілген бейнежазбаны көріп отыр. Тергеу барысында марқұмның басы денесінен бөлініп қалғаны белгілі болды. Бейнекадрлардан бұл анық көрінеді. Судья видеоны түсіруге рұқсат бермеді", – деп жазылған.
