3 қараша, 2025
Продюсер әрі актриса Мөлдір Мұқанова журналист Жанар Байсемізге берген сұхбатында отбасылық өміріне қатысты біраз сырын ашты, деп хабарлайды ozgeris.info.
Ол Тұрсынбек Қабатовпен ажырасқан кезде енесінің ешқандай басу айтып, араласпағанын айтты.
«Анасы келіп, басу айтпады. Өкінішке қарай, үлкендер тарапынан тоқтау болмады», – деді Мөлдір Мұқанова.
Сонымен қатар, ол тоқал алуға ешқашан келісім бермейтінін және мұндай жағдайда дұрыс шешім – ажырасу болғанын айтты.
«Бұл – ауыр тақырып. Көзбояушылық қана. Өмір бойғы арпалыс, салыстыру, берекесіздікке әкеледі. Балаларға да ауыр соғады. Ең қиыны — бұл жайында туыстарыма да айта алмадым. Өз балаларымнан, бауырларымнан ұялдым. Дастархан басына жиналғанда түрлі сылтаулар айтып бармай қалған кездерім көп болды. Тыныш ажырасып кетсек жақсы болар еді. Ал елдің бәрі біліп, оны талқылай бастағанда — бұл одан да ауыр екен», – деді ол.
