31 желтоқсан, 2025
Танымал әнші Димаш Құдайбергеннің «DQ Team» тобы Qazaqstan ұлттық телеарнасындағы «1001 түн» бағдарламасына қонақ болды, деп хабарлайды kznews.kz.
Бағдарлама барысында бек-вокалист Расул Усманов Димашқа қатысты қызықты естелігімен бөлісті. Оның айтуынша, команда құрамына енгеннен кейін шамамен алты ай өткен соң Димашпен жеке өмір туралы әңгіме өрбіген.
«Мен жазда үйленетінімді айттым. Сонда Димаш “тойыңа барамын” деді. Ол сөзге аса мән бермедім. Алайда жазда ұзату тойы өтіп жатқан күні Димаш хабарласып, мекенжайды сұрады. Сол сәтке дейін сенбедім. Бірақ ол шынымен келді», – деп әңгімеледі Расул Усманов.
Айта кетейік, бұл оқиға көрермендерге Димаш Құдайбергеннің қарапайымдылығы мен команда мүшелеріне деген ерекше құрметін тағы бір мәрте көрсетті.
