Қазақстанның Халық әртісі Димаш Құдайберген белгілі ақын, қоғам қайраткері және Қазақстанның Халық Жазушысы Мұхтар Шахановтың отбасына арнайы барып, ұлының қазасына байланысты көңіл айтты, деп хабарлайды kznews.kz.
Бұл жөнінде ақпаратты қоғам белсендісі Берік Ағыбаев әлеуметтік желідегі парақшасында жариялаған. Оның айтуынша, Димаш Шахановтың шаңырағына барып, отбасының қайғысына ортақтасып, марқұмның рухына құран бағыштаған. Ағыбаев өнер иесінің бұл қадамын азаматтық парызын терең түсінетін, үлкенге құрмет көрсете білетін нағыз адамгершіліктің белгісі ретінде бағалады.
«Бүгін Халықтың аяулы ұлы, Қазақстанның Халық әртісі, әнші Димаш Құдайберген белгілі ақын, Еңбек Ері, қоғам қайраткері Мұхтар Шахановтың ұлының қазасына байланысты арнайы келіп, көңіл айтуын жеткізді. Қайғысына ортақтасып, жүрегіне жазылмас жара салған бұл ауыр күнде ағамыздың шаңырағында құран бағыштағанының өзі бір көрегенділік», — деп жазды белсенді.
