5 қаңтар, 2026
Танымал әнші Димаш Құдайбергеннің DQ Team командасы Qazaqstan ұлттық телеарнасындағы "1001 түн" бағдарламасына қонақ болды, деп хабарлайды kznews.kz.
Бағдарлама барысында команданың бек-вокалисі Расул Усманов Димаштың өз тойына келген сәтін еске алып, күтпеген әрі әсерлі оқиғамен бөлісті.
Оның айтуынша, DQ Team құрамына қосылғанына шамамен алты ай өткенде Димаш Құдайбергенмен жеке өмірі жайлы әңгіме болған.
"Мен жазда үйленетінімді айттым. Сонда Димаш "тойыңа барамын" деді. Ол сөзге аса мән бермедім. Алайда жазда ұзату тойы өтіп жатқан күні Димаш хабарласып, мекенжайды сұрады. Сол сәтке дейін сенбедім. Бірақ ол шынымен келді", – деді Расул Усманов.
