5 сәуір, 2019
Маңғыстау облыстық ауруханасына түрмеде жазасын өтеп жатқан ер адам түсіп, ішінің ауыратынын айтып шағымданған. Тиісті тексерулерден кейін дәрігерлер оның асқазанында скальпель барын анықтады.
Бұл туралы «Лада» порталына сілтеме жасап Stan.kz хабарлайды.
Дәрігерлер бөгде затты ер адамның аш ішегінен алып шықты. Дәрігерлердің сөзінше, скальпельдің ұштары скотчпен оралған. Уақыт өте келе скотч ери бастапты.
«Дер кезінде көмек көрсетілмесе салдары қайғылы жағдайға алып келер еді», - дейді денсаулық сақтау басқармасындағылар.
Еске сала кетсек, бұған дейін Ақтауда 12 жастағы қыздың асқазанынан бір уыс шаш, қаламсап пен скотч шыққан еді.
stan.kz
