24 мамыр, 2023
Сауд Арабиясының «Әл-Наср» клубының ойыншысы, португалиялық футболшы Криштиану Роналду «Әл-Шабаб» командасының қақпасына гол салғаннан кейін сәжде жасады, деп хабарлайды KZNEWS сайты.
Ол гол салып, алаңның шетіне жүгіріп келіп, «Si-i-i-u-u-u!» деп айқайлап, кері бұрылды да басын сәждеге қойды.
Бұл матчта «Әл-Наср» клубы 0:2 есебімен жеңіліп тұрып, камбек жасады. 59-минутта Роналдудың голы командасына жеңіс әкелді. Оның алыстан тепкен добын қақпашы кері қайтара алмады.
Роналдудың сәжде жасағаны жергілікті жанкүйерлерді таңғалдырды. Сәждені мұсылмандар намаз оқығанда, құран бағыштап, Аллаға құлшылық еткенде жасайды. Ал футболшының бұл жасағаны мұсылман жұртшылығына құрмет болып көрінді.
