24 сәуір, 2020
Коронавирус пандемиясы ең алғаш ауру тіркелген күннен бастап санағанда алты-жеті айдан кейін аяқталуы мүмкін, деп хабарлайды Stan.kz ақпарат агенттігі.
Мұндай болжамды Ресейдің Гамалея атындағы эпидемиология және микробиология ұлттық зерттеу орталығының ғалымы, вирусолог Александр Бутенко ұсынды.
Ғалым мысал ретінде 2003-2004 жылдар аралығында Қытайда болған SARS және 2012–2014 жылдары Сауд Арабиясында таралған MERS коронавирус инфекцияларын келтірді.
Сондай-ақ Бутенко SARS-CoV-2 вирусының жұғу сипаты басқаларынан қарағанда әлдеқайда күштірек екендігін ескеріп өтті.
Еске салайық Қазақстанда коронавирус індетін жұқтырғандардың саны 2334 болып отыр. Бүгін 24 сәуірде екі науқастың өмірін жұқпалы індет қиды. Олардың бірі Алматыда, екіншісі Шымкентте көз жұмған.
stan.kz
