3 наурыз, 2020
Коронавирус дүниежүзіне тарайтын болса, әлемдік экономикаға 1 трлн доллар шығын әкелеуі мүмкін. Бұл туралы “Қазақстан” телеарнасының тікелей эфирінде өткен “Ашық алаң” бағдарламасында саясаттанушы Ерлан Сайыров айтты, деп хабарлайды Stan.kz ақпарат агенттігі.
“Қазір Қытаймен шекара жабылып жатыр. Жүк тасымалы тоқтады. Үкімет Иранмен, Әзербайжанмен әуе қатынасы тоқтайтынын айтты. Экономика - бұл қарым-қатынас. Сондықтан біздің елімізге де экономикалық залалы болады”, - деді Ерлан Сайыров.
Оның айтуынша, коронавирус дүниежүзіне тарайтын болса, экономикаға 1 трлн доллар шығын келтіреді.
“Қазақстан дүниежүзілік экономиканың бір бөлшегі болғандықтан, біздің елімізге де міндетті түрде әсер етеді”, - деді саясаттанушы.
Еске салайық, бұған дейін сарапшылар коронавирус әсерінен теңге бағамы құлдырауы мүмкін екенін айтқан болатын.
stan.kz
