19 тамыз, 2023
19 жастағы Ахметали Жәдігер небәрі төрт ай әскерде қызмет етіп, ауырып, комаға түскен. Қазір ол көрмейді, естімейді және қозғала алмайды. Баласының бұл жағдайға түсуіне анасы командирлерді кінәлайды.
Қазір спортшы Алматының әскери госпиталінде емделуде. Анасы ұлын әскердегілердің жыл басынан бері қаншама ауруханаларға апарғанын жеткізді. Бұған дейін ұлы туыстарына қоңырау шалып, тамағы ауырып жүргенін айтып, емделе алмағанына шағымданған. Бір айдан кейін ол есінен танып, комаға түскен.
Алты ай ішінде сарбаздың көзіне, жүрегіне бірнеше ота жасалып, одан түрлі инфекция мен менингит сияқты аурулар анықталған. Анасы ұлын осы уақыт аралығында кері қайтара алмай жүр.
Бір кездері дені сау спортпен айналысқан сарбаз қазір қызметке жарамсыз деп танылды. Командирлер сарбазды әскери дәрігерлер емдейтінін және олар одан бас тартпайынша қайтара алмайтынын жеткізген.
фото: orda.kz
