8 наурыз, 2020
Дүние жүзілік денсаулық сақтау ұйымы коронавирусқа қарсы кокаин есірткісінің күші жоқ екендігін мәлімдеді, деп хабарлайды Stan.kz ақпарат агенттігі.
Бұған дейін әлеуметтік желілерде кокаинді коранавирусқа қарсы қолдануға болады деген жазба жаппай тарала бастапты.
Дүниежүзілік сақтау ұйымы бұл ақпаратты қауесет деп атады.
"Фейк: Кокаин қабылдау коронавирустың жаңа түріне қарсы күшке ие. Факт: кокаин коронавирустан қорғамайды, керісінше есірткі ағзаға кері әсерін тигізеді", - деп жеткізді мамандар.
ДДСҰ кокаиннің ауыр есірткі екендігін алға тартты.
Бұған қоса халықаралық ұйым коронавирусқа балалардың зәрі, чеснок және қолға арналған кептіргіш құралдардың пайдасы жоқ екендігі айтты.
stan.kz
