9 қазан, 2025
АҚШ президенті Дональд Трамп Израиль мен ХАМАС америкалық бейбіт жоспардың алғашқы кезеңіне қол қойғанын мәлімдеді, деп хабарлайды Kznews.kz
Бұл барлық тұтқындар жақын уақытта босатылатынын, ал Израиль әскерін келісілген шептерге шығарады деген сөз. Бұл тұрақты, сенімді және мәңгі бейбітшілікке қарай алғашқы қадамдар.
- Барлық тараппен әділ қарым-қатынас жасалады, – делінген оның жазбасында.
Қазақстанның реакциясы
Президенттің баспасөз қызметі таратқан ақпаратқа сәйкес, Қасым-Жомарт Тоқаев Мысыр, Катар, Түркия елдерінің делдалдық қызметінің тиімділігін және Таяу Шығыста берік бейбітшілікке қол жеткізу жөніндегі келіссөздер процесінде АҚШ пен президент Дональд Трамптың «ерекше үлесін» атап өтті.
Контекст
Бұған дейін Трамп Израильдің Газа секторындағы іс-әрекеттеріне байланысты әлемдік қауымдастықтың едәуір бөлігінің қолдауынан айырылғанын айтып, елге деген сенімді қалпына келтіруге уәде берген. Сондай-ақ ол Израиль премьер-министрі Биньямин Нетаньяху «соғыс әрекеттерінде шектен шықты» деп мәлімдеп, қақтығысты аяқтайтын уақыт келгенін айтқан.
