2 маусым, 2020
Итті тоңазытқыштың есігімен қылқындырған Атырау облысының тұрғыны өзінің қатыгез әрекетін түсіндірді, деп хабарлайды Stan.kz ақпарат агенттігі.
Ер адам бейне хабарлама жазды.
"Сәлеметсіздер ме, қазақстандықтар. Мен Жұматаев Марғұлан Жалғасұлы, Атырау облысы, Еркіндала ауылынанмын. Итпен жасаған ісіме қатты өкінемін. Ит үш-төрт күн бұрын менің қызымды тістеп алмақшы болды. Кеше түстен кейін ол босатылып шығып, жылыжайда ата-анам отырғызған барлық көшеттерді бүлдірді, барлық целлофан жабындысын жыртып тастады. Сондықтан мен мас болған кезде оны жазаладым. Кешіріңіздер. Бұл енді қайталанбайды", - деді ол.
Сондай-ақ, ол ит тірі екенін, оны қалалық ветеринарлық орталыққа апарғанын айтты.
Естеріңізге сала кетейік, Атырауда итті азаптап жатқан ер адамның видеосы желіде тараған. Ол иттің басын тоңазытқыштың темір есігімен жауып, оның үстіне тұрып, қылқындыра бастады. Атырау облыстық полиция департаменті бейнені тарату фактісін тексеруді бастады және күдіктіні ұстады.
stan.kz
