13 қаңтар, 2020
12 қаңтарда Иран билігі Тегерандағы наразыларды тарату кезінде көзден жас ағызатын газбен қоса оқ атқан. Куәгерлердің сөзінше, бірнеше адам жараланған.
Желіде таралған Тегеранда түсірілуі мүмкін видеода оқ атылған дауыстар мен жараланып жатқандар көрінеді. Бұл видеолардың Тегеранда түсірілгені нақты анықталған жоқ.
Батыс басылымдары көптеген куәгерлерге сілтеме жасап, наразыларға қарсы оқ атылғанын мәлімдеді.
Тегеран полициясы наразыларға оқ атылғанын жоққа шығарады. 13 қаңтарда полиция басшысы «полицейлерге наразыларға қару қолданбау» туралы бұйрық берілгенін айтты. Жараланғандар жайлы ресми статистика жоқ.
10 қаңтарда Иран билігі украиналық жолаушылар ұшағын қателесіп атып түсіргенін мойындаған жоқ елде жаппай наразылық басталды. Наразылар ел билігін 176 адам опат болған ұшақ апатының себебін жасырып келді деп айыптады. Наразылық кезінде жұрт қазіргі режимнің басында тұрған аятолла Әли Хаменеидің биліктен кетуін талап етті. Акцияға қатысып жатқандардың басым бөлігі – студент.
АҚШ президенті Дональд Трамп Twitter желісінде Иран билігін наразыларды өлтірмеуге шақырды.
Azattyq
