25 ақпан, 2020
Иранда коронавирусты жұқтыру оқиғаларының саны 95-ке жетті, оның 15-і өліммен аяқталды, - деп хабарлайды Stan.kz ақпарат агенттігі РИА Новостиге сілтеме жасап.
"Бүгінгі таңда бізде 95 коронавирус инфекциясын жұқтырғандар тіркелген, 15 адам көз жұмды", - деді Иранның Денсаулық сақтау министрлігінің өкілі Киануш Джаханпур IRINN телеарнасына берген сұхбатында.
Осылайша, дүйсенбіден бастап індетті жұқтырғандар саны 34 адамға, қайтыс болғандар саны 3-ке өсті, бұл 19 ақпаннан бастап расталған жағдайлардың ең көп өсуі болды. Бір күн бұрын, тәулігіне бір рет коронавирус туралы мәліметтерді жариялайтын Иранның денсаулық сақтау министрлігі 61 жұқтырғандардың және 12 адамның қайтыс болғаны туралы хабарлаған.
Билік алғаш рет 19 ақпанда індетті жұқтырғандар жайлы хабарлады, індет шиит-мұсылмандарының қажылық алаңы болып табылатын Құм қаласынан басталды.
Сондай-ақ, 19-21 жас аралығындағы төрт Иран азаматы Әзірбайжан астанасы - Бакуда коронавирусқа күдікпен ауруханаға жатқызылды.
stan.kz
