10 шілде, 2025
Іздеу барысында Ла Нотидің мотоциклі плантация маңынан табылғанымен, өзі көзге түспеген. Жанында бос тұрған үй мен оның маңындағы алып жылан күдік тудырған. Ауыл тұрғындары ұзындығы 8 метрге жуық питонды қолға түсіріп, қару-жарақпен оның ішін жарып көрген. Жыланның ішінен жоғалған фермердің денесі табылған. Бұл сәтті куәгерлер видеоға түсіріп алған.
Алдын ала болжам бойынша, жылан Ла Нотиге қорада балапандарды азықтандырып жатқан кезде шабуыл жасаған. Қарияның жанында өзін қорғайтын ешқандай құрал болмаған, сондықтан питон оны толық жұтып қойған.
Жергілікті билік бұл жағдайдың аудан көлемінде алғаш рет тіркелгенін мәлімдеді. Алайда Индонезияның басқа аймақтарында мұндай оқиғалар, әсіресе жаңбырлы маусымда, жиі орын алады. Сол кезеңде жыландар плантациялар мен елді мекендерге кіріп, адамдар мен үй жануарларына қауіп төндіреді.
Фермердің мәйіті туыстарына табысталды, алдағы күндері жерлеу рәсімі өтпек.
