26 сәуір, 2020
"Аштан өлетін болдық" деп шырылдаған танымал әнші Бүркітке ҚР мәдениет және спорт министрі Ақтоты Райымқұлова 42 500 теңгелік жәрдемақыға өтініш беруді ұсынды, деп хабарлайды Stan.kz ақпарат агенттігі КТК арнасына сілтеме жасап.
"Қиыншылық туғызған бүгінгі жағдайға орай, біздің мемлекетіміз жеңілдіктер ұсынып отыр. Сондықтан біздің әртістеріміз де, мәдениет, архив, туризм салаларындағы, егер өздерінің күнделікті табысынан айырылып жатса, әрине, мемлекеттің ұсынып отырған әртүрлі ұсыныстарына олардың да қатысуға мүмкіндігі бар", - ҚР мәдениет және спорт министрі Ақтоты Райымқұлова.
Министрдің бұлай айтуына Айбек Жансейітовтың (Бүркіт) әлеуметтік желіде жариялаған жанайқайы себеп болған. Ол мемлекет басшысынан карантин режимін жеңілдетуді сұрапты. Өз сөзінде ол егер "карантин жеңілдетілмесе, халық аурудан емес, аштықтан қырылады" депті.
Алайда мәдениет министрі әншілердің ешқайсының 42 500 теңгеге өтініш білдірмегенін алға тартты.
stan.kz
