9 сәуір, 2019
Қысқа сілтеме алу
GGG ұзақ үзілістен кейінгі алғашқы кездесуінде кіммен жұдырықтасатыны әлі анықталған жоқ
НҰР-СҰЛТАН, 9 сәуір – Sputnik. Орташа салмақ дәрежесінде бұрынғы әлем чемпионы, қазақстандық боксшы Геннадий Головкин маусым айында өтетін кездесуге қарсылас іздеп жатыр, деп хабарлайды ESPN.
Спорт шолушысы Дэн Рафаэльдің мәліметі бойынша, Головкин екі боксшыны жекпе-жекке шақырған – жеңілмеген канадалық Стив Роллс (19-0, 10 КО) пен Франция азаматтығын алған камерундық, қазір WBS Silver титулының иегері, бұрын WBO чемпионы және WBA уақытша чемпионы болған Хассан Н'Дам Н'Жикам (37-3, 21 КО).
35 жастағы Н'Жикам баяғыдан көпшілікке танымал болса, 34 жастағы Роллс 2018 жылдың желтоқсан айында алғаш рет 10 раунд ережесімен рингке шықты – канадалық АҚШ-тың USBA бойынша өңірлік чемпиондық белбеуін иеленген.
Головкиннің кәсіби рингке оралуы маусым айына жоспарланып отыр. Қазақстандық боксшы Нью-Йорктегі Madison Square Garden аренасында кездесу өткізгісі келеді, бұл - DAZN-мен жасалған үш жылдық шарт бойынша өтетін алғашқы жекпе-жек.
Головкин Назарбаевтың президенттіктен кетуіне қатысты пікір білдірді
Бұған дейін Головкинмен маусымда британдық Джон Райдер (27-4, 15 КО), америкалық Брэндон Адамс (21-2, 13 КО) және EBU бойынша Еуропа чемпионы, поляк Камил Шеремета (19-0, 4 КО) жұдырықтасады деген болжамдар айтылды.
sputniknews.kz
