10 маусым, 2019
Қазақстандық спортшы желідегі парақшасында сайлау учаскесінен фото жариялады
НҰР-СҰЛТАН, 10 маусым — Sputnik. Танымал қазақстандық боксшы Геннадий Головкин кезектен тыс Қазақстан президенті сайлауында өз таңдауын жасады.
Головкин Instagram-дағы парақшасында сайлау учаскесінен фото жариялады.
"Өзімнің азаматтық борышымды орындадым", - деп жазды спортшы желідегі суретке.
Естеріңізге сала кетейік, қазақстандық боксшы кеше Нью-Йорктің Madison Square Garden аренасында канадалық Стив Роллсты нокаутпен ұтты. Жекпе-жекті бүкіл ел тамашалады. Жекпе-жек елордадағы сайлау учаскелерінде тікелей эфирде көрсетілді.
"Бұл еліме жасаған сыйлығым. Қыркүйекте Канеломен үшінші жекпе-жек өткізуге дайынмын", - деп мәлімдеді Головкин жекпе-жектен кейін.Тағы оқыңыз: Тоқаевтың Exit poll қорытындысы жарияланғаннан кейінгі алғашқы мәлімдемесі
Қазақстандағы президент сайлауы
Қазақстанда 9 маусымда кезектен тыс президент сайлауы өтті. Өзге елде жүрген қазақстандықтар шетелде ашылған сайлау учаскелерінде дауыс берді. Қазақстан СІМ мәліметінше, жексенбі күні сағат 19:00-дағы жағдай бойынша шетелде тізімге алынған 15,3 мың адамның 8,3 мыңнан астамы дауыс берген.
sputniknews.kz
