6 қазан, 2019
Қысқа сілтеме алу
Қос боксшы арасындағы жекпе-жек он екі раундқа созылып, отандасымыз төрешілер шешімімен жеңіске жетті
НҰР-СҰЛТАН, 6 қазан – Sputnik. Нью-Йорктегі Madison Square Garden аренасында өткен жекпе-жектен кейін қазақстандық Геннадий Головкин (39-1-1, 35 КО) мен украиналық Сергей Деревянченко (13-1, 10 КО) ауруханаға жеткізілді, деп хабарлайды Sputnik Қазақстан тілшісі.
Бұл туралы украиналық спортшының промоутері Лу ДиБелла хабарлаған. The Ring басылымының тілшісі Райан Сонгалия Twitter әлеуметтік желісіндегі жеке парақшасында промоутердің сөзін келтірген.
Both Gennadiy Golovkin and Sergiy Derevyanchenko are currently at Bellevue Hospital, Lou DiBella says. They left one ambulance after another, which reminded DiBella of the Gatti-Ward fights #GGGDerevyanchenko
— Ryan Songalia (@ryansongalia) 6 октября 2019 г.
"Головкин мен Деревянченко баспасөз мәслихатына қатыса алмайды. Екеуі де ауруханаға бара жатыр. Бұл туралы ДиБелла айтты", - делінген тілші таратқан хабарламада.
¡GGG ES EL NUEVO CAMPEÓN! Por decisión unánime, Gennady Golovkin venció a Serhiy Derevianchenko en el Madison Square Garden y se quedó con el título Mundial FIB mediano. pic.twitter.com/seccuAEvOv
— SportsCenter (@SC_ESPN) 6 октября 2019 г.
Айта кетейік, қос боксшы арасындағы жекпе-жек 12 раундқа созылып, төрешілер шешімімен Геннадий Головкин жеңіске жетті. Осылайша, ол кәсіби рингтегі 40-шы жеңісіне қол жеткізіп, орта салмақта IBF және IBO тұжырымдары бойынша әлем чемпионы атанды.
Зал шулап кетті: Головкин жекпе-жектен кейін мәлімдеме жасады
sputniknews.kz
