Батыс Германияда өтіп жатқан карнавалға соққан көлік кем дегенде 30 адамды майып қылды. Оқиға Берлин қаласынан төрт жүз шақырым жердегі Фолькмарсен қаласында болған. Жүргізушіні қамауға алған полиция көлік карнавалға әдейі соқты ма, жоқ па деген сұраққа әзірге нақты жауап берген жоқ.
Оқиғаны көргендердің HNA сайтына хабарлауынша, жүргізуші карнавалдағы балаларға қарай әдейі қатты жүргенге ұқсайды.
Бұл оқиғадан бірер апта бұрын Орталық Германияның Ханау қаласында қарулы адам әуелі 11 адамды, сосын өзін өлтірген еді. Баспасөз бұл оқиғаны Екінші дүниежүзілік соғыстан берідегі ең ауыр нәсілшілдік шабуыл деп атаған болатын.