Бүгін, 10:07
Дипломын көпшілік алдында жыртқандай болған түлек 5 тәулікке қамалды, деп хабарлайды kznews.kz.
Әлеуметтік желіде диплом табыстау рәсімінде жас жігіттің жаңа ғана алған дипломын көпшіліктің көзінше жыртып, оған күліп тұрған сәті түсірілген видео кеңінен тараған болатын. Оқиға қоғамда қызу талқыланып, түрлі пікір туғызды.
Кейін түлек арнайы видеоүндеу жариялап, шынайы дипломды емес, алдын ала дайындалған мұқабаның көшірмесін пайдаланғанын айтып, жұртшылықтан кешірім сұрады.
Соған қарамастан, аталған оқиға бойынша тексеру жүргізіліп, оның нәтижесінде жас жігіт әкімшілік жауапкершілікке тартылды. Сот шешімімен ол 5 тәулікке әкімшілік қамауға алынды.
