8 наурыз, 2019
Танымал қазақстандық әнші Димаш Құдайбергеннің "Аққуым" әніне түсірілген жаңа бейнебаяны шықты
Димаш видеоны YouTube-тағы каналына жариялады.
"Көктемнің осы бір ең әдемі күні асыл әжелерге, ардақты аналарға, ақжарқын әпкелерге, аяулы аруларға ізгі тілектерімді жолдаймын. Сіздер барда әлем көрікті, адамзат атаулы асқақ, бүлдіршіндер бақытты. Көңілдеріңіз көрікті, жүздеріңіз сұлу, жүректеріңіз нұрға, өмірлеріңіз әдемі жырға толсын! Осынау атаулы мерекеде сіздерге сыйлық ретінде лирикалық сезімге толы "Аққуым" әнінің бейнебаянын ұсынамын!", - деп жазды әнші.
"Аққуым" әнін бұған дейін Димаш опера әншісі Майра Мұхамедқызымен бірге орындаған болатын.
sputniknews.kz
