Бүгін, 17:34
Мәжіліс депутаты Дәулет Тұрлыханов Қазақстанның халық әртісі Роза Рымбаеваға автокөлік тарту етті. Бұл оқиға Абай облысы Қалбатау ауылында өткен ашық аспан астындағы гала-концерт барысында орын алды, деп хабарлайды kznews.kz.
Кеште Роза Рымбаевамен бірге Әли Оқапов, Мәди Рымбаев, Медеу Арынбаев және Kalifarniya өнер көрсетті. Әлеуметтік желіде тараған видеода депутаттың сахнада әншіге көлік кілтін табыстаған сәті бейнеленген.
Еске салсақ, бұған дейін Роза Рымбаева сахнадан уақытында кетудің маңызы туралы айтып, жас ұлғайған сайын денсаулыққа байланысты бұрынғы деңгейде өнер көрсету қиындайтынын жеткізген еді.
