Дариға Назарбаеваның президент сайлауына түсуге құқығы бар

Бұл туралы Мәжіліс кулуарында ҚР Орталық сайлау комиссиясының мүшесі Шавхат Өтемісов айтты.

Ол Тұңғыш Президент Нұрсұлтан Назарбаевтың да осындай құқығы бар екенін нақтылады.

"Әрине, мүмкін. Нұрсұлтан Назарбаев та ұсына алады. Президенттікке үміткерлерге қойылатын талаптарға сай келетін кез келген адам өз кандидатурасын ұсына алады", – деді Өтемісов журналистердің сұрақтарына жауап ретінде.