Бүгін, 18:01
Қазақстандық кәсіпқой боксшы, Рио Олимпиадасының чемпионы Данияр Елеусінов енді беделді BoxRecрейтингінде жоқ, деп хабарлайды kznews.kz.
Жартылай орта салмақта өнер көрсететін жеңіліп көрмеген боксшы кәсіпқой рингтегі соңғы жекпе-жегін 2025 жылдың 19 шілдесінде Лас-Вегаста өткізген. Ол кездесуде америкалық Джеймс Бэйконды нокаутпен жеңгеннен кейін рингке қайта шыққан жоқ.
BoxRec ережесіне сәйкес, бір жылдан астам уақыт бойы жекпе-жек өткізбеген боксшылар белсенді емес спортшы ретінде рейтингтен автоматты түрде шығарылады. Бұл талап боксшының промоутерлік келісімшартының бар-жоғына қарамастан қолданылады. Сондықтан Данияр Елеусиновтің Zuffa Boxing промоутерлік компаниясымен келісімі болғанына қарамастан, оның есімі рейтингтен алынып тасталды.
Айта кетейік, бұған дейін Данияр Елеусинов жол-көлік оқиғасына байланысты сот шешімімен 20 тәулікке әкімшілік қамауға алынып, жеті жылға көлік жүргізу құқығынан айырылған болатын. Алайда бұл оқиға оның BoxRec рейтингінен шығарылуына қатысы жоқ.
