Қазақша өлең: Қалқаман Сарин (Қадір түні)

Бұл түнді тең қылған бір Аллаһ!
Сексен үш жыл менен төрт айға.
Бұл түнде бұйырған ҚҰРАН – бақ,
Әр жолы – Ақиқат, мол пайда.

Көбейтіп мүміннің несібін,
Раббымыз бұл түнді сый еткен.
Дұғамыз: КЕШІРІМ, КЕШІРІМ,
...Тек қана тап-таза ниетпен!

Ондаған жылдардың амалын,
Бір түнге Тәңірім сыйғызып,
Бергенде, сол болсын жауабым
Маңдайды сәждеге тигізіп...

Кел, бауыр, құлшылық қылайық,
Сан түрлі сауаптан құр қалмай.
Ақ таңды қарсы алып тұрайық,
Анадан пәк болып туғандай.

Көшеде адасып кісі көп,
Мешіттің есігін таппай жүр.
Мұхаммед үмметі, шүкір ет,
Басқаға бермеген бақ қой бұл!.

АЛЛАҺУ АКБАР!!!