19 мамыр, 2021
9 мамырда Алматыда белгісіз біреулер Назарбаев муралын өзгертіп, оған "Cancel" (қазақша - бас тарту) деп жазып және "Forever Young" (қазақша - мәңгі жас) сөзін бояп тастаған, деп жазады the-village-kz басылымы.
Сондай-ақ муралда #Qazaqkoktemi хештегі пайда болған.
Бұған дейін бұл жерде қайтыс болған америкалық рэпер XXXTentacion муралы тұрған. 4 мамырда оның орнына Нұрсұлтан Назарбаев муралы пайда болған.
Артынша Назарбаев суретіне әлдекімдер "Elbasy" және "Forever young" жазуларын жазып кеткен еді. Мурал Алматыдағы Жароков пен Мыңбаев көшелері қиылысында салынған.
