19 наурыз, 2019
Қазақстанның бұрынғы бас прокуроры Қайрат Қожамжаров жаңа қызметке келді. Ол сенат депутаты атанды, деп хабарлайды Ақорданың баспасөз қызметіне сілтеме жасап Stan.kz.
«Мемлекет басшысының жарлығымен Қайрат Пернешұлы Қожамжаров Қазақстан Республикасы парламенті сенатының депутаты болып тағайындалды», - делінеді Ақорда хабарламасында.
Еске сала кетсек, 18 наурызда Қайрат Қожамжаров бас прокурор қызметінен босатылды. Оның орнына бұл қызметке Ғизат Нұрдәулетов тағайындалды.
Сонымен қатар, бүгін президент Данияр Айтмұхаметовті Әділет министрлігінің жауапты хатшысы қызметінен босатты.
Мемлекет басшысының өкімімен Азамат Әмірғалиев Әділет министрлігінің жауапты хатшысы болып тағайындалды.
Stan.kz сайтын Telegram арқылы оқыңыз. Арнамызға жазылыңыз.
stan.kz
