Қазақстанның Еңбек сіңірген қайраткері, әнші Ерлан Рысқали соңғы екі күнде өзекті мәселеге айналған "Ұйқым келмейді" әнінің тиімді тұсын айтты.
"Өз басым мына дүниені көргенде, кезінде МС Сайлаубекті тыңдап, пір тұтқан қоғамның дертінен айығып кележатқанын байқадым. Мағынасыз әріптерден тұратын шатпақты сарын тыңдау деңгейінен ҰЛТ ретінде өтіппіз. Ілгерілеу бар. Дыбысталуы дұрыс болмаса да, ұйқасы жоқ болса да, сөздер жиынтығы бар сарынға көштік. Жетістік емей немене?!
Сондықтан, мына өнерпаз бен мұны эфирге берген адамды күстаналап қарғап-сілемеңіздер! Қайта алғыс айтыңыздар! Бұны айтқан адам, әрі бұны эфирге берген адам нағыз ҰЛТ ЖАНАШЫРЫ!!!
Бұл шын сөзім! Мына сарын, мына сөздер жиынтығы әлі талайдың тіліне тиек, әңгімесіне сеп болары сөзсіз!", - деп жазды.